عيب و حرام ..

مشهد -1: (في يوم ما من ثمانينيات القرن العشرين)

-         جدو ... هي الروايات حرام ؟؟

-         مين اللي قالك كده ؟؟

-         الناظر النهاردة و الأستاذ أبو المعاطي فتشوا شنط الفصل كله و أخدوا مننا الروايات و قالولنا إن دي حرام ، و حطوها في سلة الزبالة و قالوا إنهم هيحرقوها .. و أي تلميذ هينظبط و هو بيقرا في الفسحة من الروايات دي هيروح لحضرة الناظر و ينضرب "بالعوجاية" في قلب الطابور.

-         هي روايات إيه بالظبط ؟ أوعى تكون نجيب محفوظ و الكلام الفارغ ده ...

-         لا يا جدو ... دي روايات خيال علمي و مخابرات

-         و إنت بتقرأ الحاجات دي ؟

-         أيوة ...

-         ليه ؟؟

-         أصلها حلوة قوي يا جدو .. و كمان بتقوي اللغة العربية

-         يا سلام !!

-         ما تقرأ قرآن ؟!! فيه أحسن من القرآن تقوي بيه لغتك العربية ؟؟

-         يا جدو ....

-         خلاااااااااص .. قلت ما تقراش روايات تاني